師兄：
1. 合唔合法，要由法庭判給，工會佬唔係法官，答你唔到。
2. 可以，唔對路要出聲，最好上書一封被上司，即使將來上法庭，呢件事亦係一個歷史紀錄。唔差在：寄郵郵寄掛號, Whatsapp 文字, Whatsapp 語音 電郵, 電話，用曬所有可以考證、可被感知的溝通方式去證門你曾為減薪發聲！
3. 唔一定。勞工法例關於合約方面，可以書面、口頭、明示、暗示。只唔違反《僱傭條例》規定，勞資雙方可自行訂立合適嘅僱傭條款及條件，但任何僱傭合約嘅條款，如有終止或減少《僱傭條例》所賦予僱員的權利、利益或保障嘅含意，即屬無效。

(其實，你單野最關你事應該係《僱傭條例簡明指南》第十章：僱傭保障「不合理的更改僱傭合約條款」，請自己爬文：https://www.labour.gov.hk/tc/public/pdf/wcp/ConciseGuide/10.pdf））

4. 咩事?? 勞工法庭係自辯，勞資雙方係唔可以請律師的。法援唔關你事

多謝 閣下的查詢。根據《僱傭條例》，僱員按連續性合約受僱，但僱主未經僱員同意而更改僱傭合約條款，合約又沒有明文規定僱主可以作出該項更改；以及僱主並非基於條例規定的正當理由更改，即屬不合理的更改僱傭合約條款。

一般而言，更改合約條款需雙方達成共識才能避免爭議，尤其是調低薪酬福利待遇。假若僱主更改合約條款符合上文第一段，僱員絕對有權提出反對，甚至補償申索*。但補償申索必須在被解僱後或被更改的合約條款生效後3個月內，向僱主發出書面通知。
*補償包括復職或再次聘用、終止僱傭金以及補償金。

僱傭合約是指僱主和僱員訂立的僱傭協議。僱傭合約可以書面或口頭方式訂立，並可包含明言或暗示的條款。

如需進一步協助，請致電「港九勞工社團聯會」權益熱線 2779 3766 或2779 7922(深水埗) / 2781 0983(旺角)聯絡。
以上觀點謹供參考，意見會因當事人提供的資料是否清晰而有所影響。